mardi 8 août 2017

COMO CADA SÁBADO

Esgotador

canto tempo xa
aquí
atrapado na rutina dos días?

E aínda peor
por que hoxe este pensamento veu 
maltratar os meus desfeitos fíos?

Será este maldito obradoiro
que todos os sábados
obriga a que roa os dilemas do vivido?

Contas
       Imaxes
           Relatos

todo é pouco para que reviva o meu pasado
eu
que xa decidira soterrar todo
que xa asumira que te debía esquecer

e agora
sortilexio dos terapeutas
abres coas túas mans indiferentes
o sartego
e conxelas a miña imaxinación
no teu sorriso
no enfeitizo dos teus beizos

neses días en que amar era vivir


E como cada sábado
imposible conciliar o sono

maldita sexa!

só lle pedira unha cousa á vida
             morrer antes ca ti

como cada sábado recordo 
por que decidira cubrirte coas cinzas
ardentes do amor
                 non hai peor inferno 
                 ca vivir sen ti

Aucun commentaire:

Enregistrer un commentaire