Definición, para que non existan equívocos e para que a persoa lectora poda deixalo xa nesta mesma liña: son ateo e defendo o ben público por riba de todo.
Non me vou referir aos constantes ataques ao noso peto, ao das clases traballadoras. Falarei, brevemente, do que sucede co mal uso do noso diñeiro público, o ben de todos e todas, en actos relixiosos que utilizan espazos públicos, onde, por norma ética e constitucional, a neutralidade relixiosa debera ser de obrigado mantemento por parte das autoridades.
A min o Xacobeo prodúceme unha constante dor de cabeza porque semella que nos telexornais non hai nada máis do que informar. É coma o mundial de fútbol: cloroformo neuronal. As novas de actos absurdos sucédense unha e outra vez: que si a preparación, que si a dor muscular, etc, etc. que aburrimento! soporífero! Como se dunha competición se tratase, os números elévanse por riba da racionalidade, para dar unha enorme sensación de magma. E a verdade é que si, hai peregrinos (sempre os houbo). Deixádevos de novas absurdas...porque iso anima a que cada vez máis persoas fagan cousas absurdas para saír na vosa pantalla.
E tamén trátase dunha cidade violenta porque existe nos nosos (mal)pensantes gobernadores que somos violentos e susceptibles de seren cacheados, aporreados e se é preciso encarcerados. E si, unha cidade violenta porque a min violéntanme os constantes controis policiais, a inspección cando paseas pola zona vella cun pin republicano: todo aquel que pasee sen atender ás súas malditas normas semella ser un "perigo social"...cando o perigo está neles...e en toda a ocupación -colonización- do que eu considero unha praza pública para todas as persoas, de calquera confesionalidade relixiosa e tamén para as ateas: a da Quintana.
Mais non, aquí as misas ocupan espazos públicos. E con diñeiro público...pero como é posible esta estupidez??
***
E, por riba, imos gastar máis de 110 mil euros por hora....para a visita do papa, do xefe de estado do Vaticano, onde menos claridade e transparencia hai, onde os actos de violencia contra a nenez se tapan, onde....
Como sentirse cando anuncian este desbaldimento de diñeiro público?
Eu, dígoo abertamente, "ata os c..." (por se hai nenos e nenas que len isto). Estou farto, anoxado, aldraxado, abraiado, cabreado...que se gaste o diñeiro de todos e todas en actos que vulneran o principio constitucional da neutralidade confesional.
De seguro, definiranme como radical, claro. Así ninguén pensa e a min siléncianme e satanízanme.
Pero xa non é "presuposto excesivo do PP"...é que non debera existir nestes tempos de crise -ou esa é a xustificación para recurtes sociais de todo tipo- ningún orzamento que viñese das arcas públicas!!!
Que pague a curia! Que pague o Vaticano!
Aucun commentaire:
Enregistrer un commentaire