Pode que sexa porque son un malpensado do demo. Ou pode que vexa en todas partes a maldade innata da dereita. Será, quizais, debido á miña rebelde natureza contestataria e de esquerdas??
Pero, ao abeiro do que nomeo no título...alguén pode explicarme como, coa política de redución de recursos económicos, materiais e persoais en educación e sanidade, por poñer dous exemplos, creo que representativos, é posible que sindicatos e patronal e xunta se acoplen como "amigüitos" e asinen o documento que leva o tÍtulo que figura no asunto desta reflexión????
Non sei, o documento será marabilloso entón, e terei que tragarme -con ledicia mesmo- estas terribles sospeitas de "trangallada".
Pode ser, tamén, que a sanidade e a educación, ou mesmo os servizos sociais, con terribles mostras de externalización e privatización, non sexan quen xa de formar parte do que eles consideran "desenvolvemento económico e social"...E, entón, xórdeme esta pregunta: como se pode troquelar a realidade social??? como se pode asinar un documento desta magnitude e logo saír e protestar polos recurtes?? Como, se a sospeita dos orzamentos para o 2011 será aínda peor? como se a sospeita de oferta de emprego público vai esvaerse até o mínimo?
Non sei a min -insisto, pode ser o meu prexuízo de esquerda rancia- isto prodúceme vomitona.....como se a dereita tecnócrata e neoliberal pepera tivese feito algo neste longo ano de (des)(mal)goberno???
Tedes algo que eu -pobre ignorante- non saiba e que me asulague de luz racional?
Aucun commentaire:
Enregistrer un commentaire