Prodúceme mágoa que Vieiros peche. Mais, os que mantiñan a situación comunicativa e informativa nestes últimos meses fixeron o indecible. E aquí falamos de traballo non remunerado e, iso, cando falamos de profesionais...non é de recibo. Aguantaron todo o posible e só por iso, o meu apoio e solidariedade.
Como ben sabedes eu non son nacionalista, pero era un dos poucos medios alternativos da Galicia dixital. Un dos poucos que abría as portas a organizacións outras que as meramente nacionalistas. Mágoa. Porque se perdemos voceiros alternativos, o que queda, pouco a pouco, na portada mediática galega será o que digan os grandes medios de persuasión e manipulación masiva.
E hoxe, cando vexo que a Fundación de La Coz pretende premiar a Méndez Ferrín...dáme medo!! Ogallá renuncie a recoller o premio...(eu, de verme na situación, que nunca me verei loxicamente, renunciaría para poder seguir criticando libre de vasalaxes).
En fin, Galicia perde pluralidade informativa. Mágoa. E a miña solidariedade cos traballadores e traballadoras de Vieiros que quedaron na rúa.
25-xullo-2010
Aucun commentaire:
Enregistrer un commentaire