INSOMNIO
Chega a noite
a maldita noite
antes de todo
era o meu ceo de luz
agora é o meu inferno
Procuro pechar os ollos
e vexo todo todo de novo
unha repetición incesante
unha e outra vez
pecho e reabro os ollos
miro o reloxo
apenas pasou o tempo
minutos? un cuarto? media hora?
na escuridade sinto os latexos
arrítmicos do meu maldito corazón
para que me serve ao final?
e peor é sentir no meu cerebro
como coiteladas
todas e cada unha das imaxes
do que significou vivir
Agora na tortura
a imposibilidade de desprenderme
de nada mátame
nada escapa nas súas definicións
dos ritmos do pasado
queda todo aí nas súas engranaxes
maldito asperger
maldito sexas
sinto o latexo e o cerebro enfermos
pelexarse por ver quen me levará primeiro
volta e volta
unha e outra vez
Érgome e paseo en silencio
a desesperación róeme
inclemente
unha e outra vez
coma un can engaiolado
abro a porta
frío
apenas percibín
que durmo espido
Veña home inténtao de novo
e subo e
pecho os ollos
e o abafo préndeme
de súpeto
medo
terror
non quero quedarme durmido
si quero pero non esta sensación
a morte
a morrer só
só
a non espertar
sinto que a loucura
xoga cos meus límites
non sei se razono
ou que son xa
e comeza o día
e o meu cadáver
asoma
de novo queda aturar
esta maldición
canto aguantan o corpo e a mente?
