Ledes o xornal?
Mal feito
debedes ler os xornais
e se podedes extraer algunha verdade
será por mestura
Así só así
quizais
accedamos a algo probable
A prensa xa é a plataforma
oficialista u oposicionista
das accións do goberno de turno
turnos aos que non entramos
agás por intereses editoriais
e por estratexias electorais
os do tecido de base
A base molesta
importuna
por oportuna
Na base está a rúa
si esa meniña abandonada pola institución
pola representación das máscaras
Na base estou eu
agardando que todas as mans
se unan nun berro común
contra a violación da nosa dignidade
da perda do Ser
de Ser Humanos
Aucun commentaire:
Enregistrer un commentaire