samedi 6 juin 2009

NOVAS IDEAS PARA ENQUISAS

Como queremos ser civilizados e non maldicir nin á nai nin ao pai de ninguén, ofrecemos ideas para enquisas e xulguen os lectores que queiran se poden ter máis peso ou non ca a enquisa que ofrecen os novos xestores da res publica:

A) QUERE QUE O SEU FILLO PADEZA NUN SISTEMA CAPITALISTA OU QUE VIVA NUN SISTEMA SOCIALISTA? (como vedes nada capciosa a pregunta)

B) QUERE QUE O SEU FILLO RECIBA CLASES DE BIOLOXÍA EVOLUTIVA OU QUERE QUE SE SUPRIMAN E SE LLE ENSINE QUE ADÁN E EVA SON A ORIXE DA VIDA HUMANA NO PLANETA? (pregunta, de novo, totalmente inocente, e que debera tramitarse tamén á curia eclesiástica para coñecer a súa fonda opinión democrática sobre o tema)

C) PREFIRE QUE O SEU FILLO POIDA ELIXIR AO XEFE DO ESTADO (REPÚBLICA) OU PREFIRE QUE SE LLO IMPOÑA UNHA LEI DIVINA ALLEA AO ENTENDEMENTO DO SER HUMANO ONDE O XEFE DO ESTADO É INELIXIBLE E O ROL É HEREDITARIO (REI: MONARQUÍA)? (a pregunta explícase en si mesma)

D) QUERE QUE O SEU FILLO RECIBA EDUCACIÓN SEXUAL OU PREFIRE QUE SIGA PENSANDO QUE MASTURBARSE PROVOCA CEGUEIRA? PARA EVITAR UN EMBARAZO (IN)DESEXADO QUERE QUE SE LLE DEA A PILULA DO DÍA DESPOIS OU PREFIRE QUE APANDE COA SÚA RESPONSABILIDADE DE POR VIDA? QUERE, ADEMAIS, QUE SEGREGUEMOS POR SEXO E QUE OS NENOS E NENAS ESTUDEN NON XA EN AULAS DISTINTAS SENÓN ENCENTROS DISTANCIADOS E RODEADOS DE VALOS CON PÚAS? (aquí, por simple cortesía, deixamos de engadir: se queren voltar aos tempos de Franco, porque, claro, aínda os haberá que digan que con ese gran personaxe "se vivia mellor")

E) EN CASO DE QUE VEÑAN ALUMNOS E ALUMNAS INMIGRANTES OU QUE VEÑAN ALUMNOS E ALUMNAS DE ETNIA XITANA, QUE PREFIRE: QUE ESTUDEN COS SEUS FILLOS E FILLAS OU QUE ESTUDEN APARTE TODOS ELES REUNIDOS NUNHA MESMA AULA? (aquí, respectuosamente, xa que ao estaren todos nunha mesma aula será máis doado ensinar a nosa superior ciencia, a nosa superior sabedoría...de todos e sabido que Occidente e a etnia caucásca son as máis evolucionadas e que, por iso, viven en perpétua paz, descoñecen a violencia, non desbalden recursos primarios, son austeros e fondamente solidarios co padecemento alleo)

F) AGORA CUESTIÓNS INSENSATAS:

- dispón o seu fillo/filla dos medios económicos axeitados para facer fronte a un curso escolar e aos gastos que xera?

- dispón o seu fillo / filla, en caso de que pai e nai traballen, dun comedor escolar no centro educativo?

- dispón o centro onde estuda o seu fillo das instalacións pertinentes e desexables para a súa formación?

e un longo etcétera de cuestións todas elas absurdas.

Tal como van facer a partir do luns coa súa gran enquisa -tan necesaria para superar a crise do sistema capitalista- como é a da lingua galega.....insistimos en que, xa postos, e ao mesmo tempo que gastan os 200 000 euros, que introduzan no cuestionario as inocentes preguntas.....

AH! SI SEULEMENT LA RAISON LEUR ÉTAIT DONNÉE!!
AUPRÈS DE LEUR ÂME SANS LUMIERE
RIEN QUE DU BRUIT DE PIERRES
BARRANT TOUT PASSAGE
AUX CARESSES
LA DOUCEUR DU PRINTEMPS LANGUISSANT


apertas dun verdadeiro bilingüe (plurilingüe; polisexual;....) a quen lea este xogo de tristezas como coitelos

Aucun commentaire:

Enregistrer un commentaire