lundi 1 juin 2009

REFLEXIÓNS DESDE A RÚA (IX)

APATÍA + MEDIATISMO ABÚLICO + (DES)INTERESE OLIGÁRQUICO+ ABSTENCIÓN

=

TRIUNFO DA DEREITA XENÉRICA: A SOCIAL E A ECONÓMICA

E digo que nesa dereita xenérica viven tamén o PSdG, o BNG, e, por suposto o PP. As dúas primeiras forzas deron sobradas mostras de desexar privatizar o público, de deixar facer aos imperios empresariais (sexan do tamaña que sexan: Reganosa; Cidade da Cultura...). Mesmo o PSOE (nai e pai do PSdG) permitiuse votar SI á DIRECTIVA DA VERGOÑA, que converte en aínda máis vulnerables ás persoas inmigrantes e os seus dereitos. E foron os mesmos os que nos colocan na privatización e liberalización de servizos públicos: TRATADO DE LISBOA, ESPAZO SUPERIOR DE EDUCACIÓN (PLAN BOLOÑA)....Con esto...para qué unha dereita rancia??

Ese é o xogo que se debate, dereita rancia PP, ou dereita dentífrica (xa saben, a que sorrí, con talante). Os da primeira non saberían disimular cal é o seu xogo, mentres que os da segunda, por mor dos intereses e rendibilidades electorais, concederon e conceden todo tipo de privilexios á gran patronal empresarial, bancaria, e relixiosa (os concertos educativos seguen aí e a intromisión constante da curia nos asuntos públicos tamén)....

A estes grandes partidos interésalles a elevada abstención. Non fan nada para debatir, para achegar propostas: o debate entre os dous cabezalistas de PP-PSOE reviviron o patio de colexio e xogaron a non dicir nada. Así, non abraia que o mellor do debate fose o peche do mesmo pola presentadora. A estratexia é clara e procura desmotivar.

A desmotivación que reparo é moi preocupante, xa que, por desgraza, se non me equivoco nos cálculos, un 70% das normas do Estado español veñen de Europa. E cantos máis rancios e dentífricos teñamos, moito peor lle irá á Europa social, á Europa dos Pobos...que, como definiu Manoel Santos na súa columna deste domingo pasado no Galicia Hoxe, semella ser e Europa imposible. Pois nesas andamos: ou construimos a Utopía dunha Europa distinta, dunha Europa solidaria, respectuosa dos Dereitos Humanos, dunha Europa nosa, da cidadanía e da súa activa participación...ou....NOIR FUTUR!!

Aucun commentaire:

Enregistrer un commentaire