CANDO A XUSTIZA ACTÚA EN NOME DA DEMOCRACIA

Sae a condea por prevaricación dos 7 edís de Compostela por acordar, sen considerar os límites que impón a lei, o pago da defensa doutro edil...que dimitiu só despois de que pasasen polo banco dos acusados os seus compañeiros e compañeiras de corporación. 

A Pokemon aínda non furou con todo o seu poder de xustiza. Mais comezan a saír as primeiras poldras.A sentenza dos 7 edís implica o remate do goberno municipal de Compostela. Dáse un golpe brutal sobre o corpo da democracia, que morre. E a cidadanía terá que agardar ate o maio do 2015 para poder erguer a súa voz. Se non interpreto mal a Lei, o pobo ten que agardar ate o ano que vén para pronunciarse, pois o tempo entre esta sentenza e a data de eleccións non permite a convocatoria de eleccións anticipadas. Polo quetodo apunta a que será unha xestora a que manteña respirando con dificultades a vida do concello ate as eleccións. 

Mais, agora haberá que esixir responsabilidades a quen permitiu que isto chegase ate este punto. A quen non nos fixo caso a AGE para que hai xa máis de un ano se convocasen esas eleccións nunha corporación sacudida pola Pokemon e polo caso que hoxe estoura. 

E aí o PSOE e o PP xogaron coas cartas da democracia. Comezarona debuxar ese pacto que tanto abroiou en campaña electoral das pasadas europeas.

Eles, e mais o presidente da Xunta, como máximo responsable, e con esa cantinela de non asumir responsabilidade políticas, antes de que se depuren as xudiciais, foron os culpables de que a cidadanía de Compostela se vexa sen goberno...(sendo correctos, xa leva desde os inicios desta lexislatura sen goberno), se vexa vulnerada nos seus dereitos de representación. 

Eles permitiron que a ética, a honestidade, a transparencia, se difuminaran e acabaran por lesionar a democracia.

Eles permitiron a porta xiratoria entre o público e o privado. 

Eles optaron por non actuar para non ferirse en feudos que consideran como propios: son só cargos electos, mais isto esquéceno.

Agardemos que a cidadanía ben avisada e crítica tome nota...